top of page
ວຽກຟື້ນຟູຊີວິດການເປັນຢູ່
ຟື້ນຟູບົດບາດໃນສັງຄົມ, ສ້າງໂອກາດໃຫ້ແກ່ຊຸມຊົນ
ຈັດຝຶກອົບຮົມວິຊາຊີບຕ່າງໆ ແລະ ຊ່ວຍເຫຼືອໃນການຟື້ນຟູຊີວິດການເປັນຢູ່ໃຫ້ແຕ່ລະຄອບຄົວ, ມີນະໂຍບາຍພີເສດໃນການຊ່ວຍເຫຼືອ ກຸ່ມທີ່ມີຄວາມສ່ຽງ/ກຸ່ມບອບບາງ ເພື່ອໃຫ້ມີລາຍຮັບທີ່ຍືນຍົງ.
PVD ມີຄວາມມຸ່ງໝັ້ນທີ່ຈະຟື້ນຟູ ແລະ ປັບປຸງຊີວິດການເປັນຢູ່ຂອງຜູ້ທີ່ໄດ້ຮັບຜົນກະທົບຈາກໂຄງການພັດທະນາ. ແຜນງານຂອງພວກເຮົາໄດ້ຈັດການຝຶກອົບຮົມວິຊາຊີບ ໃນດ້ານກະສິກຳ, ການຄ້າ ແລະ ການບໍລິການ, ເພື່ອຊ່ວຍໃຫ້ແຕ່ລະຄອບຄົວມີລາຍຮັບທີ່ໝັ້ນຄົງ. ຊ່ວຍເຫຼືອເປັນພິເສດແກ່ກຸ່ມທີ່ມີຄວາມສ່ຽງ/ກຸ່ມບອບບາງ ເພື່ອຮັບປະກັນໃຫ້ແຕ່ລະຄອບຄົວມີອາຊີບທີ່ໜັ້ນຄົງ. ຊ່ວຍຊີ້ນໍາທາງດ້ານທັກສະ, ສະໜອງປັດໃຈການຜະລິດ, ແລະ ໂອກາດໃຫ້ແກ່ຊຸມຊົນ, ເພື່ອຊ່ວຍຍົກລະດັບລາຍຮັບຂອງຄົວເຮືອນ ໃຫ້ສອດຄ່ອງກັບເປົ້າໝາຍການພັດທະນາລະດັບຊາດ ແລະ ກ້າວໄປສູ່ຄວາມວັດທະນາຖາວອນ.
ການສູນເສຍອາຊີບ
ຜູ້ທີ່ສູນເສຍອາຊີບຈະໄດ້ຮັບການຝືກອົບຮົມວິຊາຊີບທີ່ເໝາະສົມ ດັ່ງນີ້:
ການບໍລິການ
ຜູ້ທີ່ສູນເສຍອາຊີບອັນເນື່ອງມາຈາກໂຄງການພັດທະນາ ຈະໄດ້ຮັບການຝຶກອົບຮົມວິຊາຊີບທີ່ເໝາະສົມ ແລະ ການຊ່ວຍເຫຼືອດ້ານເຕັກນິກຈາກພະນັກງານທີ່ມີຄວາມຊຳນານ ເຊັ່ນ: ການປັກແຊວ, ການຕ່ຳແຜ່ນ, ການສ້ອມແປງ, ການຄ້າຂາຍຍ່ອຍ, ການເສີມສວຍ, ການປຸງແຕ່ງອາຫານ, ຫັດຖະກຳ ແລະ ອຸດສາຫະກຳ ໃນຄົວເຮືອນ (ການຜະລິດເຫຼົ້າ, ຕີເຫຼັກ, ການຜະລິດເຄື່ອງຈັກສານຈາກໄມ້ໄຜ່), ແລະ ອື່ນໆ, ພ້ອມທັງການສະໜັບສະໜູນປັດໄຈການຜະລິດ.
ດ້ານກະສິກຳ
ຜູ້ທີ່ສູນເສຍອາຊີບອັນເນື່ອງມາຈາກໂຄງການພັດທະນາ ຈະໄດ້ຮັບການຝຶກອົບຮົມວິຊາຊີບທີ່ເໝາະສົມ ພ້ອມກັບການສະໜັບສະໜູນດ້ານເຕັກນິກ ເຊັ່ນ: ວຽກງານປູກຝັງ (ປູກເຫັດ, ໄມ້ໃຫ້ໝາກ ແລະ ໄມ້ອຸດສາຫະກຳ, ການປູກພືດເນີນສູງ ແລະ ພືດລົ້ມລຸກ), ວຽກງານລ້ຽງສັດ (ກົບ, ປາ, ໝູ, ເປັດ-ໄກ່, ແບ້ ແລະ ອື່ນໆ) ໂດຍຈະມີການສະໜອງປັດໄຈການຜະລິດໃຫ້.
ມີການຈັດຝຶກອົບຮົມທັກສະຕ່າງໆໃຫ້ແກ່ຊາວບ້ານ ໂດຍມີເປົ້າໝາຍເພື່ອເຮັດໃຫ້ລາຍຮັບປະຈຳປີຂອງແຕ່ລະຄອບຄົວ ສອດຄ່ອງກັບ ນະໂຍບາຍຂອງລັດຖະບານລາວ. ຊາວບ້ານສາມາດເລືອກຮັບການຝຶກອົບຮົມວິຊາຊີບ ເຊັ່ນ: ການເຮັດກະສິກຳ, ການເສີມສວຍ, ການສ້ອມແປງລົດໃຫຍ່ ແລະ ລົດຈັກ ແລະ ອື່ນໆ. ການຝຶກອົບຮົມນີ້ຊ່ວຍໃຫ້ຊາວບ້ານສາມາດບໍລິການຊຸມຊົນຂອງເຂົາເຈົ້າ ແລະ ສ້າງອະນາຄົດທີ່ຍືນຍົງໃຫ້ກັບຄອບຄົວ.
bottom of page