ຄວາມຍືນຍົງ

ຄວາມຍືນຍົງ ແລະ ການປະຕິບັດຕາມລະບຽບການ

ມຸ່ງໝັ້ນສູ່ການພັດທະນາຢ່າງມີຈັນຍາບັນ, ມີປະສິດທິຜົນ ແລະ ຍືນຍົງ

PVD ມີຄວາມຮັບຜິດຊອບໃນການສ້າງເຮືອນໃໝ່ໃຫ້ກັບຄອບຄົວທີ່ຖືກຍົກຍ້າຍຈັດສັນ. ເຮືອນມີຫຼາຍຮູບແບບເພື່ອຕອບສະໜອງຄວາມຕ້ອງການຂອງແຕ່ລະຄອບຄົວທີ່ແຕກຕ່າງກັນ. ເຮືອນທຸກຫຼັງແມ່ນມີໄຟຟ້າ, ນ້ຳປະປາ, ສວນຄົວ ແລະ ຈັດສັນດິນການນຜະລິດໃຫ້. ສິ່ງນີ້ຊ່ວຍຮັບປະກັນວ່າແຕ່ລະຄອບຄົວສາມາດຫັນປ່ຽນໄປສູ່ຊີວິດໃໝ່ທີ່ມີຄຸນຄ່າ ແລະ ຍືນຍົງ. ພື້ນຖານໂຄງລ່າງ ເຊັ່ນ: ເສັ້ນທາງປູຢາງ, ລະບົບຊົນລະປະທານ ແລະ ສາຍສົ່ງໄຟຟ້າ ຍັງຊ່ວຍໃຫ້ຊີວິດການເປັນຢູ່ຂອງຊາວບ້ານທີ່ຖືກຍົກຍ້າຍຈັດສັນມີຄວາມສະດວກສະບາຍຂຶ້ນ. ນອກຈາກນີ້, ຍັງມີການສ້າງໂຮງຮຽນປະຖົມ ແລະ ມັດທະຍົມໃຫ້ແກ່ຊຸມຊົນ ເພື່ອໃຫ້ເດັກນ້ອຍທຸກຄົນໃນຊຸມຊົນສາມາດເຂົ້າເຖິງການສຶກສາໄດ້.

ການຄຸ້ມຄອງດ້ານສາທາລະນະສຸກ

1. ເຜີຍແພ່ຂໍ້ມູນກ່ຽວກັບພະຍາດໄຂ້ຍຸງ, ພະຍາດຕິດຕໍ່ທາງເພດສຳພັນ, HIV/AIDS, ວັນນະໂລກ, ການວາງແຜນຄອບຄົວ, ສຸຂະອະນາໄມ

ດ້ານອາຫານ, ຫຼັກການສຸຂະອະນາໄມ.

2. ກວດສຸຂະພາບຂັ້ນພື້ນຖານ ແລະ ການປິ່ນປົວທົ່ວໄປ (ກວດເລືອດ, ກວດອາຈົມ)

ພື້ນຖານດ້ານຈັນຍາບັນ

ຂະບວນການຂອງພວກເຮົາແມ່ນຂັບເຄື່ອນດ້ວຍພັນທະໜ້າທີ່ ເພື່ອຮັບປະກັນວ່າ ຜູ້ທີ່ໄດ້ຮັບຜົນກະທົບຈາກໂຄງການພັດທະນາ (PAPs) ທຸກຄົນ ຈະມີຄຸນນະພາບຊີວິດທີ່ໄດ້ຮັບການຟື້ນຟູ ຫຼື ປັບປຸງໃຫ້ດີຂຶ້ນ.

ຄວາມຮັບຜິດຊອບຕໍ່ສິ່ງແວດລ້ອມ

ພວກເຮົາຈັດຕັ້ງປະຕິບັດແຜນງານການຄຸ້ມຄອງສິ່ງແວດລ້ອມທີ່ຮອບດ້ານ ເພື່ອຫຼຸດຜ່ອນຜົນກະທົບ, ສົ່ງເສີມຄວາມສົມດຸນຂອງລະບົບນິເວດ ແລະ ຮັບປະກັນການພັດທະນາທີ່ຍືນຍົງ.

ຄວາມຮັບຜິດຊອບຕໍ່ສັງຄົມ

ແຜນຟື້ນຟູຊີວິດການເປັນຢູ່ ແລະ ແຜນຊ່ວຍເຫຼືອກຸ່ມທີ່ມີຄວາມສ່ຽງ/ກຸ່ມບອບບາງ ຂອງພວກເຮົາ ແມ່ນຮັບປະກັນວ່າທຸກຄອບຄົວຈະຮັບການຟື້ນຟູຊີວິດການເປັນຢູ່, ໂດຍມີການຄ້ຳປະກັນການຊ່ວຍເຫຼືອ 3-5 ປີ ຫຼັງການຍົກຍ້າຍຈັດສັນ.

ມາດຕະຖານສາກົນ

ພວກເຮົາຍຶດໝັ້ນໃນມາດຕະຖານສາກົນທີ່ເຂັ້ມງວດ ເພື່ອຮັບປະກັນຄວາມຮັບຜິດຊອບ ແລະ ການປະຕິບັດຕາມລະບຽບການ:

ມາດຕະຖານການດຳເນີນງານຂອງ ອົງການການເງິນສາກົນ

ນະໂຍບາຍການປ້ອງກັນ (Safeguard Policies) ຂອງທະນາຄານໂລກ

ນະໂຍບາຍປ້ອງກັນ ຂອງທະນາຄານພັດທະນາອາຊີ

ບົດຮຽນທີ່ດີທີ່ສຸດໃນລະດັບສາກົນ ສຳລັບການຍົກຍ້າຍຈັດສັນ

ການປະຕິບັດຕາມລະບຽບການພາຍໃນປະເທດ

ພວກເຮົາປະຕິບັດຕາມກົດໝາຍ ແລະ ລະບຽບການຂອງ ສປປ ລາວ ຢ່າງເຂັ້ມງວດ:

ກົດໝາຍວ່າດ້ວຍການປົກປັກຮັກສາສິ່ງແວດລ້ອມ ແຫ່ງ ສປປ ລາວ

ນະໂຍບາຍແຫ່ງຊາດ ວ່າດ້ວຍການຍົກຍ້າຍຈັດສັນ

ກົດໝາຍວ່າດ້ວຍທີ່ດິນ ແລະ ລັດຖະດຳລັດ ວ່າດ້ວຍການທົດແທນຄ່າເສຍຫາຍ

ກົດໝາຍ, ລະບຽບ ແລະ ນິຕິກຳຕ່າງໆທີ່ກ່ຽວຂ້ອງທັງໝົດ ຕັ້ງແຕ່ລະດັບສູນກາງຫາທ້ອງຖິ່ນ

ຄວາມໂປ່ງໃສ ແລະ ຄວາມຮັບຜິດຊອບ

ພວກເຮົາຮັບປະກັນການສື່ສານທີ່ເປີດກວ້າງ ແລະ ມີກົນໄກຄວາມຮັບຜິດຊອບທີ່ຊັດເຈນ ຕະຫຼອດການດຳເນີນທຸກໂຄງການຂອງພວກເຮົາ

ກົນໄກການແກ້ໄຂຂໍ້ຮ້ອງທຸກ

ພວກເຮົາຈັດຕັ້ງປະຕິບັດຂະບວນການທີ່ໂປ່ງໃສ ໃນການລາຍງານ, ການຕິດຕາມ, ແລະ ການແກ້ໄຂຂໍ້ຮ້ອງທຸກຂອງຊຸມຊົນ ເພື່ອຮັບປະກັນຄວາມໄວ້ເນື້ອເຊື່ອໃຈ ແລະ ຄວາມຮັບຜິດຊອບ.

ຂະບວນການຍື່ນຄຳຮ້ອງທຸກທີ່ຊັດເຈນ: ຂັ້ນຕອນການແຈ້ງຂໍ້ຂັດຂ້ອງທີ່ເຂົ້າໃຈງ່າຍ.

ລະບົບຕິດຕາມ (ບັນທຶກຂໍ້ຮ້ອງທຸກຂອງຊຸມຊົນ): ພ້ອມທັງມີການກຳນົດກອບເວລາໃນການແກ້ໄຂທີ່ແນ່ນອນ.

ການສື່ສານຜົນການແກ້ໄຂທີ່ໂປ່ງໃສ: ແຈ້ງຜົນການດຳເນີນງານຢ່າງເປີດເຜີຍ.

ການໂຄສະນາສ້າງຈິດສຳນຶກໃຫ້ຊຸມຊົນ: ເພື່ອໃຫ້ປະຊາຊົນຮັບຮູ້ເຖິງສິດ ແລະ ຊ່ອງທາງການຮ້ອງທຸກ.

ການຕິດຕາມກວດກາ ແລະ ການກວດສອບ

ພວກເຮົາປະຕິບັດການຕິດຕາມກວດກາທັງພາຍໃນ ແລະ ໜ່ວຍງານເອກກະລາດ ຢ່າງຕໍ່ເນື່ອງ ຕະຫຼອດໄລຍະການຈັດຕັ້ງປະຕິບັດໂຄງການ, ເຊິ່ງຈະສິ້ນສຸດດ້ວຍການກວດສອບຄັ້ງສຸດທ້າຍ ສຳລັບຜູ້ໃຫ້ທຶນ ແລະ ຜູ້ມີສ່ວນຮ່ວມ.

ການທົບທວນຄວາມຄືບໜ້າພາຍໃນຢ່າງເປັນປົກກະຕິ: ກວດສອບວຽກງານພາຍໃນທີມ.

ການຕິດຕາມກວດກາ ຈາກໜ່ວຍງານເອກກະລາດ: ໂດຍອົງກອນພາຍນອກທີ່ມີຄວາມເປັນກາງ.

ການລາຍງານການປະຕິບັດຕາມເງື່ອນໄຂຂອງຜູ້ໃຫ້ທຶນ: ເພື່ອຮັບປະກັນຄວາມຖືກຕ້ອງຕາມຂໍ້ກຳນົດ.

ການຢັ້ງຢືນການກວດສອບໂຄງການຂັ້ນສຸດທ້າຍ: ເພື່ອຢືນຢັນຄວາມສຳເລັດທີ່ສົມບູນຂອງໂຄງການ.

ຜົນສໍາເລັດ ທີ່ຍືນຍົງ

ຜ່ານແຜນງານຟື້ນຟູຊີວິດການເປັນຢູ່ ແລະ ແຜນງານຊ່ວຍເຫຼືອຫຼັງການຍົກຍ້າຍຈັດສັນ (ໂດຍທົ່ວໄປແມ່ນ 3-5 ປີ), ພວກເຮົາຄ້ຳປະກັນຄວາມໝັ້ນຄົງ ແລະ ຄວາມສຳເລັດໃນໄລຍະຍາວ ໃຫ້ແກ່ຊຸມຊົນທີ່ຖືກຍົກຍ້າຍຈັດສັນ. ເປົ້າໝາຍຂອງພວກເຮົາແມ່ນເພື່ອຮັບປະກັນວ່າ ຜູ້ທີ່ໄດ້ຮັບຜົນກະທົບຈາກໂຄງການທັງໝົດ ຈະມີຊີວິດການເປັນຢູ່ທີ່ດີຂຶ້ນກວ່າເກົ່າ."